Poetry slam leat lávdepoesiija gilvvut gos oasseváldit gilvalit ovdanbuktimiin iežaset divttaid gehččiide. Juryjoavkkut, main leat eaktodáhtolaččat gehčči gaskkas, árvvoštallet divttaid ovdanbuktimiid čuoggáiguin 0,0 rájes gitta 10,0 rádjái. EMCEE/konferánsajođiheaddji jođiha dáhpáhusa; čilge njuolggadusaid ja presentere gilvaleaddjiid, čuovvu lohkanortnega ja guoimmuha gehččiid gilvvu bottožiin.

NORRSCENA slammas leat guokte ovdavuoru gos gilvaleaddjit ovdanbuktet ovtta divtta juohke vuorus, ja de loahppavuorru gos dat guokte geain leat alimus čuoggát ovdavuorus gilvalit vuosttaš saji nalde.

Buot min doaluin lea nuvttá sisabeassan, ja mii fállat mátkebuhtadusa gilvaleaddji diktačálliide leanas. 

Go searvat gilvui, de dárbbašat golbma iežat čállon divtta/teavstta maid ovdanbuvttát gilvvus. Juohke divtta ovdanbuktin ii galgašii leat guhkit go 3 minuhta ja 9 sekundda, muđui manahat čuoggáid.

NJUOLGGADUSAT

REKVISIHTAT - Ii leat lohpi buktit rekvisihtaid lávdái. Dát guoská maiddái čuojanasaide ja lávdebiktasiidda.

TEKSTA - Lea lohpi buktit teavstta báhpáris, mátketelefuvnnas, neahttabreahtas dahje sullasaččas, nu guhká go it maiddái geavat iežat lohkanreaidun man ge láhkai rekvisihttan.

SITÁHTAT - Don fertet ieš leat čállán iežat divttaid, gitta 10% divttas sáhttet leat sitáhtat. Ferte leat čielggas ahte lea sitahta, juogo danin go dat maid don siteret lea nu dovddus ahte dan sáhttá ipmirdit ahte don it leat ieš čállán dan, dahje go don muhtun láhkai dajat ahte dat lea bájuheapmi dahje sitáhta.

ČUOGGÁT - Juohke dikta jitnosit lohkkama maŋŋá bidjet gehččiid eaktodáhtolaš juryjoavkkut čuoggáid divttaide, 0,0 rájes gitta 10,0 rádjái. Juryjoavkkut ávžžuhuvvojit váldit vuhtii sisdoalu, giela ja ovdanbuktima.

ÁIGI - Juohke dikta galgá leat eanemustá 3 minuhta ja 9 sekundda. Jus lea guhkkit, de čuoggát gessojit -0,5 čuoggáin juohke 10-sekunddas mii álggahuvvo. Áiggi mihtida čállingoddi/gilvojođiheapmi ja dan it dárbbaš don gilvaleaddjin váruhit. Áigi álgá go dajat vuosttaš sáni dahje go čielgasit álggahat ovdanbuktima.

REGISTREREN

Jus háliidat dieđihit iežat muhtun kvalgilvvuide, de váldde oktavuođa minguin juogo skovi bokte mii lea dán siiddu vuolábealde dahje e-poastta bokte dahje riŋget čujuhussii norrscen.poesi@gmail.com / 073-085 14 18.

MÁTKKEBUHTADEAPMI

NPSii mii dábálaččat fállat mátkebuhtadusa buot leana gilvaleaddji diktačálliide (dát guoská mátkkošteapmái bussiin, tågain ja muhtun diliin iežat biillain). Seastte guitiid/ kvitteremiid busse- dahje tågamátkkiin ja dieđit báikki gilvojođiheaddjái ahte háliidat mátkebuhtadusa. Buhtadus máksojuvvo nu johtilit go vejolaš, dábálaččat 1-2 vahku maŋŋel gilvvu.

Somá go háliidat boahtit geahččat poetry slam! Min doaluide lea nuvttá searvat, ja don leat bures boahtin návddašit hui buori divttaid. Eanet dieđuid beivviid ja áiggiid birra gávnnat veahá vuollelis dán siiddus, dahje DÁPPE. 

SPOKEN WORD: Njálmmálaš ovdanbuktin/daddjon sánit, ja tearbma sisttisdoallá visot stand-up-komediijas, lávdepoesiijas, rap/hip hopas ja teáhteris gitta almmolaš sártnit dahje hállanovdanbuktimii.

SPOKEN WORD- POESIIJA /LÁVDEPOESIIJA: Poesiija mii ovdanbukto njálmmálaččat, dávjá čállojuvvon dáinna ulbmiliin.

POETRY SLAM: Hállojuvvon sániid poesiijagilvvut.

MC/EMCEE: Lávdejođiheaddji poetryslam áigge.

NPS: NPS dahje Norrbotten Poetry Slam lea namma dain gilvvuin mat lágiduvvojit Norrbottenis ja mat kvalifiserejit Ruoŧa Poetry Slam meašttirgilvvuide.

SM POETRY SLAM Ruoŧa meašttirgilvu: Juohke jagi lágiduvvo Ruoŧa Poetry Slam-meašttirgilvu, dábálaččat heláduorastat basi vahkkoloahpa miessemánus. Meašttirgilvu lágiduvvo iešguđet báikkiin juohke jagi, ja nu gohčoduvvon Slammaster-deaivvadeamis mii lágiduvvo muhtun meašttirgilvvu áigge, plánejuvvo gos boahttevaš jagi meašttirgilvu lágiduvvo.

DAVVI LÁVDI: Davvi Lávdi lea eaktodáhtolaš searvi mii lágida lávdepoesiija Norrbottena leanas. Lassin Norrbottena Poetry Slam lágidit maid bargobájiid, poesiijaeahkediid ja rabas lávddiid.