Poetry slämit ovva seeniruno kilpailuja, joissa osalistujat kilpaileva esittämälä itte kirjotettuja runoja yleisön eessä. Yleisön vapaaehtosista kootut tuomariryhmät arvostava runoilijoi'en esityksen pistheilä 0,0-10,0. Yksi EMCEE/ Konferenssiääri johtaa itte tapahtummaa; esittellee säänöt ja kilpailijat, seuraa lukujärjestystä ja viihyttää yleisöä esitysten välilä.

NORRSCENin- slämissä oon kaksi alkukierosta, joissa kilpailijat esittävä yhen runon per kieros, ja sitten viiminen kieros, jossa kaksi jokka alkukierokselta sai eniten pistheitä kilpaileva ensimäisestä paikasta.

Kaikkhiin meän tapahtumhiin oon ilmanen pääsy, ja tarjoama läänissä kilpailevile runoilijoile matkakorvauksen.

Jos haluat osalistua kilpaihluun tarvit kolme itte kirjotettua runoa/tekstiä kilpaihlun. Jokasen runon esityksheen tullee olla alle 3 minuttia ja 9 sekunttia, jonka jälkheen pistheitä vähenethään.

SÄÄNNÖT

REKVISIITTAA - Seenile ei saa tuoa rekvisiittaa. Tämä koskee kans instrumenttiä ja seenivaatheita.

TEKSTI – Tekstin saapi tuoa paperina, mupiilissa, tapletissa ja kans joku vastaava oon sallittu, ko vain et käytä sinun lukuvälinettä millhään tavala rekvisiittana.

SITAATTI - Sinun oon häätytny kirjottaa runot itte, 10 % runosta voi olla sitaatia. Oon oltava selvää, ette se oon sitaatti joko sen perustheela, ette lainattu sisältö oon niin tunnettu, ettei sitä voi ajatella ette sie itte olet sen kirjottanu, eli ette kerrot meile jotenki, ette se oon sitaatti.

PISTHEET – Jokasen luetun runon jälkheen yleisön vapaaehtoset tuomariryhmät antavat runole pistheet 0,0-10,0 välilä. Tuomariryhmiä pyyethään ottamhaan huomihoon sisälön, kielen ja suorituskyvyn.

AIKA – Jokasen runon pituus saa olla eninthään 3 minuuttia ja 9 sekuntia. Ylitystaphauksissa pisteitä vähenethään -0,5 pistheelä, joka 10 sekunin aikavälilä. Sihteeristö/kilpailun johto päättää ajoista, eikä sinun kilpailijana tarvi sitä itte seurata. Aika alkaa, ko sanot ensimäisen sanan eli muuten ko alotat esityksen selvästi.

ILMOTUS

Jos haluat ilmotttautua johonkin karsintakilpaihluun ota meihin yhteyttä joko tämän sivun alareunassa olevalla formuläärilä eli lähätä sähköposti eli soita Josefin Sîlan Karlssonile osotteesheen eli numehroon norrscen.poesi@gmail.com / 073-085 14 18.

MATKAKORVAUS

NPS tarjoaa ylheensä kaikile läänin sisälä oleville kilpaileville runoilijoille matkakorvauksen (tämä tarkottaa matkustamista byssila, junala ja jossaki tapauksissa omala piililä). Säästä kuitit byssi- eli junamatkoista ja ilmota kilpailun johtajalle paikan päälä, ette halvat matkakorvauksen. Korvaus maksethaan maholisimman heti, ylheensä 1-2 viikkoa kilpailun jälkheen.

Soma ette halvat tulla kattomhaan poetry slämiä! Kaikkhiin meän tapahtumhiin oon ilmanen pääsy, ja olet tervetullu nauttimhaan toela hyvistä runoista. Löyät lisätietoa päivistä ja kellonajoista alempana tällä sivula eli TÄÄLTÄ.

SPOKEN WORD: Suulinen esitys/puhuttu sana, ja termi sisältää esimerkiksi stand-up-komiikasta, seeniruouutta, rapista/hip hopista ja teatterista julkisheen puhumisheen eli puhuttuihin esitykshiin.

SPOKEN WORD-RUNO/SEENIRUNO: Suulisesti esitetty runo, joka oon ylheensä kirjotettu tätä ajatellen.

POETRY SLAM: Seenirunou'en/puhutun sanan runou'en kilpailut.

MC/EMCEE: Konferenssiääri poetry slämin aikana.

NPS: NPS eli Norrbotten Poetry Slam oon niitten kilpailujen nimi, jotka järjestethään Norrbottenissa ja josta kvalificeerathaan poetry slämin -kilpaihluun.

SM I POETRY SLAM: Joka vuosi piethän SM poetry slämissa ylheensä Kristihimmelfärds-viikonloppuna toukokuussa. SM järjestethään joka vuosi eri paikkakunnila ja SM:än aikana sunitellhaan Slammaster-kokkouksessa ette missä ensi vuoen SM järjestethään.

NORRSCEN: Norrscen oon ideelli föreeninki, joka järjestää seenirunouutta Norrbottenin läänissä. Norrbotten Poetry Slamin lisäksi järjestämmä kans workshoppia, runoiltoja ja avoseeniä.